خدمة الأرشيدياكون حبيب جرجس للداتا شو هى خدمة هدفها تقديم صلوات الكنيسة الليتورجية فى شكل عروض تقديمية (Powerpoint) تعمل على أجهزة البروجيكتور حتى نسهل على شعب الكنيسة متابعة الصلوات و المشاركة فيها.
من خلال هذه الصفحة نشارككم ثمار تلك الخدمة حيث يمكنكم الأن تنزيل جميع هذه العروض فى شكل ملف مضغوط صغير الحجم و ذلك لتستفيد منها جميع كنائس.
أول ملف اتعمل فى مكتبة البوربوينت الخاصة بخدمتنا كان سبت النور سنة 2011 يعنى من 15 سنة بالظبط، وقتها كان جهاز العرض الأساسى فى الكنيسة هو البروجيكتور اللى كانت شاشته مربعة وكبيرة وعلى هذا الأساس عملنا الشرائح بتاعتنا مربعة (4:3) وحجم الخط فيها متوسط متناسب مع حجم شاشة البروجيكتور
بس دلوقتى وبعد مرور 15 سنة على انطلاق خدمتنا مبقاش ده الواقع، لقينا ان معظم الكنائس بقت بتعتمد على شاشات LCD مستطيلة Widescreen لعرض البوربوينت، ده غير ان حجم الشاشات دى صغير مقارنة بالبروجيكتور
علشان كده احنا عملنا redesign لملفاتنا علشان تناسب اكتر شاشات الـLCD:
1- اولا غيرنا نمط الشرائح من 4:3 (مربعة) لـ16:9 (Widescreen) علشان محتوى الشريحة يملى الشاشة بالكامل من غير فراغات يمين وشمال او من غير ما نحتاج نمط الشريحة بالعرض
2- ثانيا كبرنا الخط من 40-44 ل60-64 علشان نعوض حجم الشاشات الأصغر نسبيا فيكون الكلام واضح لكل الكنيسة
3-مش بس كده، احنا كمان قسمنا الشرائح sections علشان نسهل التنقل جوة الملف. دلوقتى لما تدوس على زرار “G” أثناء عرض الشرائح هيظهرلك على الشمال عناوين الألحان والصلوات فتقدر تدوس عليها علشان تنتقل ليها بسرعة.
ملحوظات:
1- فى التحديث ده بردوا تم اضافة العديد من القديسين للهيتينيات وتم اضافة قداس دخول المسيح أرض مصر أثناء الخماسين ده الغير العديد من التصليحات اللغوية والطقسية
2- لم يتم بعد عمل Redesign للعهد القديم وصلوات الخدمات. بنعمة ربنا هنكملها التحديث القادم
نرجو عدم إعادة رفع الملفات على صفحات أخرى حيث أننا غير مسؤولين عن أي نسخة يتم تحميلها من مصدر أخر بل نرجو مشاركة رابط صفحتنا لتحميل الملفات
الرب يكمل هذا العمل و يستثمره لأجل مجد اسمه فى كل مكان
